Главната идеја на формирање на друштвото Книго Прима (“Книго” -деловни книги/евиденција,   “Прима” прв-прво) во деветесите години на минатиот век беше да се основа фирма која ќе дава услуги од областа на сметководството и финансиите на малите и средните претпријатија кои тукушто се формираа во нашата земја.Во тоа време работевме и живеевме во општество во кое беа потребни компаниини со нови видици, а целта на нашиот тим од петмина беше да ја постави компанијата на стабилна основа, во рамките на регистриранта дејност и да даде сметководствени услуги кои ќе се темелат на:

• правилно пренесување на вистината;
• извршување на активностите согласно сопствените убедувања;
• сигурност дека поставените задачи ќе бидат извршени;
• спремност да се препознаат и штитат интересите на клиентите;
• вистинска посветеност кон работата за доброто на другите;
• -превземање обврска за вршење на строго поставените задачи со респект кон потенцијалните последици;
• достоинство/ учтивост/ толерантност и способност за усогласување;
• почитување на прописите и чесно извршување на активностите поврзани со општествениот интерес;
• рамноправен однос кон луѓето и појавите и
• непристрасност и искреност

Започнавме далечната 1990 да вршиме сметководствени услуги најпрвин за три фирми. Со текот на годините клиентите се множеа. Во тоа време наш најголем предизвик беше обработка на документација од 6 (шест) години за Детската градинка 11-ти Октомври.

Во 1998 година отворивме своја e-mail адреса papazsan@mpt.com.mk, при што можевме да ги спознавамe и користиме предностите на електронската пошта, а интернет пристапот ни ја олесни работата неколкукратно.